Russiýa Federasiýasynyň Hökümetiniň Başlygy Mihail Mişustin Aşgabatdaky türkmen-rus mekdebine roýal saz guralyny sowgat berdi. Bu barada Russiýanyň Hökümetiniň “Telegram” jemgyýetçilik torunda habar berilýär.
Rus hökümetiniň başlygynyň adyndan gaz guralyny mekdebe Russiýanyň Türkmenistandaky Adatdan daşary we Doly ygtyýarly ilçisi Aleksandr Blohin gowşurdy. Ilçi iki ýurduň arasyndaky dost-doganlyk gatnaşyklaryny ösdürmegiň we berkitmegiň möhüm bolup durýandygyny belledi.
Mälim bolşy ýaly, Russiýa Federasiýasynyň Hökümetiniň Başlygy Mihail Mişustin 19-20-nji ýanwarda Aşgabada amala aşyran saparynyň çäklerinde türkmen-rus mekdebine baryp görüpdi. Şonda Mişustin mekdebiň 9-njy synp okuwçysy Anastasiýa Kosnikowanyň “Matematika we saz” atly taslamasyna uly gyzyklanma bildiripdi.
Mekdebiň okwuçysy özüniň taslamasynyň ýokary baha mynasyp bolmagyndna gaty hoşaldygyny belläp, Mihail Mişustine özüniň minnetdarlygyny bildirdi we bu sowgadyň onuň saz uguryny ösdürmäge itergi berjekdigini belledi.
Russiýa Federasiýasynyň Hökümetiniň Başlygy Mihail Mişustin özi hem aýdym-saz uly gyzyklanma bildirýär. Ol birnäçe gezek fortepiano we beýleki saz gurallary çalmakdaky ukybyny görkezipdi.