Milli Liderimizden daşary ýurt ýolbaşçylaryna gutlaglar

Hormatly Prezidentimiz Bah­reý­niň Pa­ty­şa­synyň, Ka­tar Döw­le­ti­niň hem-de Gazagystan Respublikasynyň ýolbaşçylaryna milli baýramçylygy mynasybetli gutlag hatlaryny iberdi.

Hor­mat­ly Pre­zi­den­ti­miz Gurbanguly Berdimuhamedow ýur­du­my­zyň halky­nyň we Hö­kü­me­ti­niň adyn­dan hem-de hut öz adyn­dan Bah­reý­niň Pa­ty­şa­sy Ha­mad Bin Isa Al Ha­life we do­gan­lyk bah­reýn hal­ky­na Bah­reýn Pa­ty­şa­ly­gy­nyň Mil­li gü­ni my­na­sy­bet­li tüýs ýü­rek­den çyk­ýan gut­lag­la­ry­ny hem-de ar­zuw­la­ry­ny iber­di. Döw­let Baş­tu­ta­ny­myz gut­la­gynda äh­li ugur­lar­da yla­la­şyk­ly öza­ra gat­na­şyk­la­ry, deň­hu­kuk­ly­lyk, bi­rek- bi­re­ge hor­mat goý­mak we iki hal­kyň bäh­bi­di­ni na­za­ra al­mak ar­ka­ly ýo­la go­ýul­ýan döw­le­ta­ra gat­na­şyk­la­ry­ň mö­hüm mak­sat­la­ra ýet­mek­de ýardam ber­jek­di­gi­ne ynam bil­dir­di. Şu ýy­lyň 15-nji de­kab­ryn­da Türk­me­nis­tan bi­len Bah­reýn Paty­şa­ly­gy­nyň ara­syn­da dip­lo­ma­tik gat­na­şyk­la­ryň ýo­la go­ýul­ma­gy­na 25 ýy­lyň dol­ýan­dy­gy­ny ka­na­gat­lanma bi­len bel­läp, hor­mat­ly Pre­zi­denti­miz Gurbanguly Berdimuhamedow çär­ýek asyr döw­rüň do­wa­myn­da do­gan­lyk gat­na­şyk­la­ryň iş­jeň­le­şendi­gi­ni we onuň öza­ra bäh­bit­li iki­tarap­la­ýyn hyz­mat­daş­ly­gyň hil taý­dan tä­ze de­re­jä çy­kan­dy­gy­ny aý­ra­tyn bel­le­di.

“Biz ýurt­la­ry­my­zyň ara­syn­da­ky sy­ýa­sy, söw­da-yk­dy­sa­dy we me­deni-yn­san­per­wer gat­na­şyk­la­ry mundan beý­läk-de gi­ňelt­me­gi mak­sat edin­ýä­ris. Dä­be öw­rü­len türk­men-bah­reýn hyz­mat­daş­ly­gy­nyň gel­jekde hem pug­ta­lan­dy­ryl­jak­dy­gy­na ynan­ýa­ryn” di­ýip, mil­li Li­de­ri­miz belle­di. Hor­mat­ly Pre­zi­den­ti­miz özüniň ga­dyr­ly do­ga­ny — Bah­reý­niň Pa­ty­şa­sy Ha­mad Bin Isa Al Ha­li­fe Türk­me­nis­tan bi­len Bah­reýn Pa­tyşa­ly­gy­nyň ara­syn­da hyz­mat­daş­lygyň ös­dü­ril­me­gi­ne yzy­gi­der­li üns ber­ýän­di­gi üçin min­net­dar­lyk bildir­di we onuň Aly­hez­re­ti­ne berk jan sag­lyk, aba­dan­çy­lyk, Bah­reý­niň dogan­lyk hal­ky­na bol­sa pa­ra­hat­çy­lyk, gül­läp ösüş hem-de ro­waç­lyk ar­zuw et­di.

***

Hor­mat­ly Pre­zi­den­ti­miz Gurbanguly Berdimuhamedow ýur­du­my­zyň hal­ky­nyň we Hö­kü­me­ti­niň adyn­dan hemde hut öz adyn­dan Ka­tar Döw­le­ti­niň Emi­ri Şeýh Ta­mim Bin Ha­mad Al-Ta­nä we Ka­ta­ryň dost­luk­ly hal­ky­na Ka­tar Döw­le­ti­niň Mil­li gü­ni my­na­sy­bet­li tüýs ýü­rek­den gut­lagla­ry­ny iber­di. “Türk­me­nis­tan bi­len Ka­tar Döw­le­ti­niň ara­syn­daky dä­be öw­rü­len dost-do­gan­lyk gat­na­şyk­la­ry öza­ra dü­şü­niş­me­giň we ys­ny­şyk­ly hyz­mat­daş­ly­gyň ýo­ka­ry de­re­je­si bi­len ta­pa­wut­lan­ýar. Bu gat­na­şyk­la­ryň bi­ziň do­gan­lyk halk­la­ry­my­zyň bäh­bi­di­ne mun­dan beý­läkde ös­dü­ril­jek­di­gi­ne we pug­ta­lan­dy­ryl­jak­dy­gy­na berk ynan­ýa­ryn” di­ýip, mil­li Li­de­ri­miz gut­la­gyn­da bel­leýär. Hor­mat­ly Pre­zi­den­ti­miz ýa­kym­ly müm­kin­çi­lik­den peý­da­la­nyp, Ka­tar Döw­le­ti­niň Emi­ri Şeýh Ta­mim Bin Ha­mad Al-Ta­nä berk jan sag­lyk hem-de aba­dan­çy­lyk, Ka­ta­ryň do­gan­lyk hal­ky­na bol­sa pa­ra­hat­çy­lyk, ro­waç­lyk we gül­läp ösüş ar­zuw et­di. Döw­let Baş­tu­ta­ny­myz onuň Aly­hez­re­ti­ne “Goý, Gudra­ty Güýç­li Al­la­ta­ga­la äh­li asyl­ly baş­lan­gyç­la­ry­ňyz­da we mak­sat­la­ry­ňyz­da Si­ze me­det ber­sin!” di­ýip di­leg et­di

***

Hor­mat­ y Pre­zi­den­ti­miz Gurbanguly Berdimuhamedow ýur­du­my­zyň hal­ky­nyň hemde Hö­kü­me­ti­niň adyn­dan we hut öz adyn­dan Ga­za­gys­tan Res­pub­li­ka­sy­nyň Pre­zi­den­ti Kasym-Žo­mart To­ka­ýe­wi hem-de Ga­za­gys­ta­nyň äh­li do­gan­lyk hal­ky­ny Ga­za­gys­tan Res­pub­li­kasy­nyň Ga­raş­syz­lyk gü­ni bi­len tüýs ýü­rek­den gutla­dy we hoş­ni­ýet­li ar­zuw­la­ry­ny aýt­dy. Döw­let Baş­tu­ta­ny­myz gut­la­gyn­da Ga­raşsyz­lyk ýyl­la­ry için­de Ga­za­gys­ta­nyň döw­let­li­li­gi ber­kit­mek­de, hal­kyň aba­dan­çy­ly­gy­ny go­wu­landyr­mak­da we ýur­duň hal­ka­ra gi­ňiş­li­k­dä­ki ab­raýy­ny be­len­de gö­ter­mek­de ägirt uly üs­tün­lik­le­ri ga­za­nan­dy­gy­ny bel­le­di. “Türk­me­nis­tan bi­len Ga­za­gys­tan Res­pub­lika­sy­ny kö­pa­syr­lyk dost­luk we hoş­ni­ýet­li goňşu­çy­lyk gat­na­şyk­la­ry bag­la­nyş­dyr­ýar. Bi­ziň ýurt­la­ry­my­zyň ara­syn­da­ky hyz­mat­daş­ly­gyň hem-de öza­ra dü­şü­niş­me­giň ýo­ka­ry de­re­je­siniň türk­men-ga­zak gat­na­şyk­la­ry­ny iki do­ganlyk hal­kyň bäh­bi­di­ne yzy­gi­der­li ös­dür­mek we pug­ta­lan­dyr­mak üçin berk esas bo­lup hyz­mat et­jek­di­gi­ne ynan­ýa­ryn” di­ýip, mil­li Li­de­ri­miz nyg­ta­dy. Hor­mat­ly Pre­zi­den­ti­miz ýa­kym­ly müm­kin­çilik­den peý­da­la­nyp, Ga­za­gys­tan Res­pub­li­ka­synyň Pre­zi­den­ti­ne berk jan sag­lyk hem-de bagt, Ga­za­gys­ta­nyň hal­ky­na bol­sa pa­ra­hat­çy­lyk, aba­dan­çy­lyk we ro­waç­lyk ar­zuw et­di.

***

Hor­mat­ly Pre­zi­den­ti­miz Gurbanguly Berdimuhamedow Ga­za­gys­tan Res­pub­li­kasy­nyň il­kin­ji Pre­zi­den­ti — Ýel­ba­sy Nur­sul­tan Na­zar­ba­ýe­we Ga­za­gys­tan Res­pub­li­ka­sy­nyň Ga­raş­syz­lyk gü­ni my­na­sy­bet­li tüýs ýü­rek­den gut­lag­la­ry­ny we ar­zuw­la­ry­ny ýol­la­dy. “Ga­raş­syz­lyk ýyl­la­ry­nyň do­wa­myn­da ýur­duňy­zyň sy­ýa­sy, yk­dy­sa­dy we dur­muş ul­ga­myn­da ýe­ten üs­tün­lik­le­rini hem-de do­gan­lyk ýurt­la­rymy­zyň ara­syn­da eme­le ge­len iki­ta­rap­la­ýyn gatna­şyk­la­ryň ýo­ka­ry de­re­je­de ös­dü­ril­ýän­di­gi­ni belle­mek bi­zi gu­wan­dyr­ýar. Hoş­ni­ýet­li goň­şu­çy­lyk däp­le­ri­ne we öza­ra dü­şü­niş­mek ýö­rel­ge­le­ri­ne esas­lan­ýan türk­men-ga­zak dost­luk­ly gat­na­şykla­ry­nyň bi­ziň halk­la­ry­my­zyň bäh­bi­di­ne mun­dan beý­läk-de pug­ta­lan­dy­ryl­jak­dy­gy­na ynan­ýa­ryn” di­ýip, mil­li Li­de­ri­miz gut­la­gyn­da bel­le­di. Hor­mat­ly Pre­zi­den­ti­miz ýa­kym­ly müm­kinçi­lik­den peý­da­la­nyp, Nur­sul­tan Na­zar­ba­ýe­we berk jan sag­lyk, bagt hem-de aba­dan­çy­lyk, Gaza­gys­tan Res­pub­li­ka­sy­nyň do­gan­lyk hal­ky­na bol­sa pa­ra­hat­çy­lyk, mun­dan beý­läk-de gül­läp ösüş we ro­waç­lyk ar­zuw et­di.

Teswirler Sahypamyz

Hünärmenleriň teswirlerini okamak üçin bu sahypamyza yzygiderli gelip duruň!