Hormatly Prezidentimiz Gurbanguly Berdimuhamedow egindeşleri bilen Hazaryň kenarynda gurlan köpugurly sport toplumynda bardy. Bu ýerde milli Liderimiz egindeşleri bilen sportuň kiçi futbol görnüşi boýunça bäsleşik gurady. Bedenterbiýe maşklaryny ýerine ýetirmegiň, sport bilen meşgullanmagyň adamda ruhubelentlik, maksadaokgunlylyk döredýär.
Sagdyn durmuş ýörelgesiniň tarapdary döwlet Baştutanymyz asylly başlangyçlary bilen ähli watandaşlarymyza, ozaly bilen ýaşlara şahsy görelde görkezýär.
Soňky ýyllarda ýurdumyzda köpçülikleýin bedenterbiýe we ýokary netijeli sportuň görnüşleri bilen meşgullanmak üçin zerur şertler döredilýär.
Munuň özi milli Liderimiziň ýolbaşçylygynda durmuşa geçirilýän we halkymyzyň hal-ýagdaýynyň gowulandyrylmagyny, saglygynyň berkidilmegini esasy ugur edinýän döwlet syýasatynyň özenini düzýär.
Şunuň bilen baglylykda, ýurdumyzda köpçülikleýin bedenterbiýe-sport hereketini we ýokary netijeli sporty ösdürmäge uly üns berilýär. Bu bolsa halkara ähmiýetli ýaryşlaryna gatnaşyp, abraý gazanýan türkmen türgenleriň sanynyň artmagyny şertlendirýär. Şeýlelikde, türkmen sportunyň dünýä ýüzündäki derejesi barha belende galýar.
Şeýle hem, hormatly Prezidentimiz Gurbanguly Berdimuhamedow Balkan welaýatynyň Türkmenbaşy şäherinde gurluşygy tamamlaýjy tapgyrda alnyp barylýan 400 orunlyk köpugurly hassahanada amala aşyrylýan işler bilen tanyşdy.
Bu ýerde hormatly Prezidentimiz Gurbanguly Berdimuhamedowa hassahananyň bölümleri, onuň enjamlaşdyrylyşy we merkeziň ugurdaş desgalary barada gürrüň berýän çyzgylar, taslamalar görkezildi. Bellenilişi ýaly, Hazaryň kenarynda gurulýan köpugurly hassahana enjamlaşdyrylyşy we bölümleriň ýerleşdirilişi barada häzirkizamanyň ösen talaplaryna doly laýyk gelýär.
Dünýäniň ilkinji ingalýasion koronawirus sanjymy taýýarlandy