Ispaniýanyň “Barselona” toparynyň hüjümçisi Lionel Messi bilen Ispaniýanyň “Atletiko Madrid” toparynyň hüjümçisi Luis Suares özleriniň milli ýygyndylarynyň düzüminde tapawutlandylar.
Messi Argentinanyň milli ýygyndysy bilen Ekwadoryň milli ýygyndysynyň arasyndaky duşuşykda 11 metrlik jerime ugrusyny dürs ýerine ýetirip, milli ýygyndynyň düzümindäki geçiren gollarynyň sanyny 39-a ýetirdi. 2022-nji ýyldaky dünýä çempionatynyň saýlama duşuşyklarynyň çäginden geçirilen oýun 1-0 hasabynda tamamlandy.
Luis Suaresli Urugwaýyň milli ýygyndysy bolsa Çiliniň milli ýygyndysyny 2-1 hasabynda tamamlandy. Bu duşuşykda Suares 11 metrlik jerime urgusy arkaly tapawutlandy. Ol hem milli ýygyndynyň düzümindäki geçiren gollarynyň sanyny 39-a ýetirdi.
Şeýlelikde, Messi bilen suares milli ýygyndynyň düzüminde çykyş eden resmi duuşşyklarynda 39 gezek tapawutlanyp, Braziliýanyň milli ýygyndysynyň ozalky hüjümçisi Ronaldonyň rekordyny gaýtaladylar.
Mundan beýläk, bu 3 futbolçy Günorta Amerikanyň milli ýygyndylarynyň taryhynda iň köp gol geçiren futbolçylaryň sanawynda birinji orny paýlaşýarlar.
Hünärmenleriň teswirlerini okamak üçin bu sahypamyza yzygiderli gelip duruň!
