Finalissima futbol duşuşygynyň senesi yglan edildi. Kopa Amerikada ýeňiş gazanan Argentina bilen Ýewropanyň çempiony Ispaniýa 27-nji martda duşuşar. Duşuşyk Kataryň paýtagty Dohadaky “Lusail” stadionynda geçiriler.
Bir tarapda soňky Ýewropa çempiony Ispaniýa, beýleki tarapda Kopa Amerikada ýeňiş gazanan Argentina bar. Iki çempion Finalissima-da duşuşar.
Bu ýaryş dördünji gezek geçirilýär. Ilkinjisi 1985-nji ýylda geçirildi, soňra 1993-nji ýylda we iň soňky gezek 2022-nji ýylda guraldy.
Argentína bu kubogy iki gezek gazandy. Eger Ispaniýa ýeňiş gazansa, öz taryhynda ilkinji gezek Finalissima-da ýeňiji bolar.
Katarda geçiriljek duşuşyk 2026-njy ýylyň 27-nji martynda Dohadaky Lusail stadionynda oýnalar.
Argentina 2022-nji ýylda Italiýany 3–0 hasaby bilen ýeňipdi. Lionel Messiniň topary üç ýyldan soň dünýä çempiony bolan stadionyna ýene-de bir gezek çykar.
Iki ýurt şu wagta çenli 14 gezek duşuşdy. Taraplar hersi 6 gezek ýeňiş gazandy, 2 duşuşyk bolsa deňme-deň tamamlandy.