Uly tennisde dünýäde iki ägirt tennisçi – ispaniýaly Rafael Nadal hem-de şweýsariýaly Rojer Federer köpleriň tanaýan türgenleridir. Rojer Federerden soňra meşhur ispan tennisçi, 22 gezek “Uly tuwulga” ýaryşlarynyň çempiony Rafael Nadal tennis bilen hoşlaşdy.
Ol 19-njy noýabrda Dewis Kubogynyň çäginde soňky duşuşygyny geçirdi. Gynansak-da, oňa bu duşuşykda niderlandly tennisçini ýeňmek başartmady.
Ýöne Rafa tennis dünýäsiniň ägirdi hasaplanýar. Ol tennis dünýäsiniň iň uly ýaryşy hasaplanýan “Uly tuwulga” ýaryşlarynda 22 gezek çempion boldy. Professional tennis assosiasiýasynyň (ATP) çäginde 92 derejäniň eýesidir.
Hususan-da, Rafael Nadal toprak bilen örtülen tennis meýdançasynda uly üstünlikler gazandy. Bu babatda 63 kubok gazanan Nadal “toprak koroly” adynyň eýesidir.
Ispan tennisçe karýerasynda 2 gezek “Uimbldon” we “Awstraliýa Açyk” tennis ýaryşlarynda, 4 gezek “ABŞ Açyk” hem-de 14 gezek “Rolan Garros” ýaryşlarynda ýeňiji boldy.