Italiýanyň ozalky Premýer-ministri, meşhur syýasat işgäri Silwio Berluskoni 86 ýaşynda aradan çykdy. Bu barada Italiýanyň metbugat neşirleri habar berýär.
Berluskoni Milan şäherindäki San-Raffael hassahanasynda bejergi alýan döwründe aradan çykdy. Milliarder, media-magnat Berluskoni 1994-nji ýylda Italiýanyň hökümet baştutany boldy we 2011-nji ýyla çenli ýurduň hökümetine başlyklyk etdi.
Ol “Forza Italia” partiýasyna ýolbaşçylyk edip, ýurduň häzirki Premýer-ministri Jorji Meloniniň ýolbaşýlygynda Italiýanyň parlamentiniň ýokary palatasy, Senata saýlandy.
1936-njy ýylda Milan şäherinde orta synp maşgalada dünýä inen Berlsukoni özüniň işewürlik durmuşyna gozgalmaýan emläk bazarynda başlady, soňra ol “Mediaset” atly Italiýanyň iri täjirçilik telekompaniýasyny döretdi. Ol 1986-2017-nji ýyllar aralygynda Italiýanyň meşhur “Milan” toparyna eýeçilik etdi.
“Forza Italia” partiýasy 1993-nji ýylda döredildi we bir ýyldan soňra Berluskoni premýer-ministr wezipesine savlandy.
Silwio Berluskoniniň 5 çagasy bar.