Merkezi Aziýa döwletleriniň Baştutanlarynyň Konsultatiw duşuşygy şu ýylyň sentýabr aýynyň 14-15-inde Duşanbe şäherinde geçirmek göz öňünde tutuldy. Bu barada Täjigistanyň daşary işler ministri Sirojiddin Muhriddin belläp geçdi.
Merkezi Aziýa döwletleriniň Baştutanlarynyň Konsultatiw duşuşygynda möhüm resminamalara gol çekmek göz öňünde tutulýar. Olaryň iň esasysy döwlet Baştutanlary tarapyndan tassyklanjak jemleýji Beýannama bolar.
Mundan başga-da, Duşanbedäki duşuşygyň çäklerinde 2 sany möhüm ylalaşyga gol çekiler. Olaryň biri ýer ulaglary pudagyny gurşap bolar, beýlkesi bolsa ýaşlar syýasaty bilen baglanyşykly bolar.
Şeýle hem ministriň bellemegine görä, Täjigistan bu sammitiň döwründe ýene-de 12 sany goşmaça çäreleri guramagy teklip etdi. Olaryň arasynda ykdysady forum, alymlaryň duşuşygy, medeni çäreler, sebitiň 5 ýurdunyň milli tagamlaryň sergisi bar.