Gazagystanyň Almaty şäherinde “B5+1” görnüşinde Merkezi Aziýanyň we ABŞ-nyň hökümet wekilleriniň we işewür düzümleriniň gatnaşmagynda forum geçiriler. Bu barada Gazagystanyň daşary syýasat edarasynyň resmi wekili Aýbek Smadiýarow habar berdi.
– 13-15-nji mart aralygynda Almaty şäherinde “B5+1” görnüşinde Merkezi Aziýanyň we ABŞ-nyň hökümet wekilleriniň we işewür düzümleriniň gatnaşmagynda forum geçiriler. “B5 + 1” başlangyjy hökümetler bilen işewür toparlaryň arasynda işjeň gatnaşygy üpjün etmek, şeýle hem Merkezi Aziýa sebitindäki iň möhüm ykdysady meseleleri ara alyp maslahatlaşmak we olary çözmek üçin anyk ädimler üçin döredildi – diýip, belledi.
Mundan başga-da, bu çäräniň 2023-nji ýylyň sentýabr aýynda Nýu-Ýorkda geçirilen döwlet Baştutanlary sammitinde teklip edilen “B5+1” platformasynyň resmi taýdan açylyşy boljakdygyny aýtdy.