Öwrüp düýşlerim hyýala,
Men seniň ýanyňa barýan!
Söýgi diýip çykdym bu ýola,
Men seniň ýanyňa barýan!
Peýda etmez aňzak-epgek,
Öňde menzil kändir entek,
Paý-pyýada ýöräp kem-kem,
Men seniň ýanyňa barýan!
Gara gözňe boldum teşne,
Gurbat tapýan sözleň eşde,
“Yşkdan gelip barýan yşka”
Men seniň ýanyňa barýan!
Soragsyz girdiň ýüregme,
Soňra öwrüldiň geregme,
Sen maňa gelmäň deregne,
Men seniň ýanyňa barýan!
Sona HALYKOWA,
Türkmenistanyň Daşary işler ministrliginiň
Halkara gatnaşyklary institutynyň talyby