Berkarar döwletiň täze eýýamynyň Galkynyşy döwründe türkmen halkynyň her bir güni toý-baýramlara beslenýär. Häzirki wagtda ýurdumyz Täze ýyl baýramyna ýokary derejede taýýarlyk görýär. Şu esasda ýurdumyzyň mekdep okuwçylarynyň arasynda wagyz-nesihat duşuşyklary yzygider dowam edýär. Ýakynda Ahal welaýatynyň Babadaýhan etrabynyň takyk we iňlis dili okuw derslerini çuňlaşdyryp öwredýän ýöriteleşdirilen 19-njy orta mekdebinde ýokary synp okuwçylarynyň arasynda Babadaýhan etrap Bilim bölümi, TMÝG-niň Babadaýhan etrap Geňeşiniň we KÝÝIBT-nyň bilelikde gurnamagynda «Täze ýyl baýramçylygyna ýokary taýýarlyk!» atly wagyz-nesihat duşuşygy geçirildi. Täze ýyl baýramçylygynyň ýetip gelýändigi bilen baglylykda mekdep okuwçylarynyň toý günlerinde köpçilik ýerlerde tertip düzgüni berjaý etmegini gazanmak maksady bilen geçirilen duşuşykda täsirli çykyşlar diňlendi. Çykyş edenler ýaşlar baradaky alada döwlet syýasatynda uly derejede ähmiýet berýändigi, ýaş nesle uly ynam bildirilýändigi, olaryň watansöýüji, ilhalar, sagdyn we berk bedenli bolup ýetişmekleri babatda mynasyp tagalla edilýändigi dogrusynda aýratyn durup geçdiler. Şeýle-de okuwçy ýaşlara baýramçylyk günlerinde köpçilik ýerlerinde özlerini tertip-düzgünli alyp barmak, zyýanly endiklerden daşda durmak boýunça degerli maslahatlar berildi. Duşuşygyň ahyrynda ýaşlara okamaga, zähmet çekmäge, çekilen zähmetiň hözirini görmäge ähli mümkinçilikleri döredip berýän hormatly Prezidentimize alkyşly sözler aýdyldy.
Şöhrat Akmämmedow,
Türkmenistanyň Magtymguly adyndaky
Ýaşlar Guramasynyň Babadaýhan etrap
Geňeşiniň baş hünärmeni.