SPORT

Maýk Taýson Özbegistana barar

Meşhur, ady rowaýata öwrülen amerikaly boksçy Maýk Taýsonyň şu ýylyň 12-17-nji noýabrynda Özbegistanyň Daşkent şäherinde geçiriljek Bütindünýä boks assosiasiýasynyň ýyllyk mejlisine myhman hökmünde gatnaşmagyna garaşylýar.

Özbek neşirleriniň habar bermegine görä, Bütindünýä boks assosiasiýasynyň mejlisi boks dünýäsiniň iri halkara çäreleriniň biridir. Onda sportuň bu görnüşini ösdürmek babatdaky meseleler ara alnyp maslahatlaşylýar. Şeýle hem dürli seminarlar, sergiler we baýrak gowşurylyş dabaralary guralýar.

Mejlise milli boks federasiýalaryň wekilleri, tälimçiler hem-de belli boksçular gatnaşýar. Şeýle hem 17-nji noýabrda ajaýyp boks agşamlarynyň birini geçirmek meýilleşdirilýär.

Maýk Taýson – agyr agramda absolýut dünýä çempiony. Ol boks boýunça WBC, WBA, IBF derejeleriniň eýesidir. Maýk Taýson özüniň boks tutluşygyndaky ugry bilen “Demir Maýk” adyny alan meşhur türgenleriň biridir.

Ýene-de okaň

“Al-Hilal” topary “Mançester Sitini” ýeňip, garaşylmadyk netije gazandy

Klopp üçin futbol taryhynyň iň gowy tälimçisi

Türkmenistanyň futbol zenanlar ýygyndysy Aziýa Kubogy-2026-nyň saýlama ýaryşyna gatnaşar

Pol Pogba “Monako” topary bilen şertnama baglaşdy

«Arkadag» topary çempionatynyň ikinji aýlawyny birinji orunda tamamlady

TFF-niň ýolbaşçylar düzümi FIFA-nyň Ýerine ýetiriji futbol sammitine gatnaşdy