Dünýäniň iň uly sanly kitap kataloglarynyň biri bolan “Google Books” ulgamyna giň göwrümli “Makul English–Turkmen Dictionary” (Makul Iňlis–Türkmen sözlügi) girizildi.
Bu sözlügiň “Google Books”-da ýerleşdirilmegi onuň diňe bir Amazon arkaly elýeter däldigini, eýsem halkara derejesinde resmi ISBN ýazgysy bilen tanalyp, dünýäniň dürli künjeginden alymlara, talyplara hem-de giň okyjy köpçüligine elýeterli bolandygyny görkezýär.
Kitap barada
“Makul sözlük” – iňlis dilindäki 16,500-den gowrak sözleri türkmen diline terjime edýän giň göwrümli gollanmadyr. Şeýle hem hukuk, ykdysadyýet, lukmançylyk, maglumat tehnologiýalary, emeli intellekt we sport ýaly ýöriteleşdirilen ugurlary hem öz içine alýar.
Google Books-nyň ähmiýeti
Google Books, dünýäniň dürli kıtaphanalaryndan we neşirýatçylaryň kataloglaryndan maglumatlary öz içine alýan ägirt uly maglumat bazasydyr. Kitaplaryň bu platformada ýerleşdirilmegi olaryň:
-
Resmi taýdan tanalýandygyny,
-
Dünýä derejesinde gözleglerde tapylýandygyny,
-
Alymlar, terjimeçiler we dil öwrenijiler üçin has elýeterli bolýandygyny aňladýar.
Üstesine, “Google” bu maglumatlary awtordan garaşsyz, öz institusional maglumat çeşmeleri arkaly ýerleşdirýär.
Sözlügiň ähmiýeti
“Makul sözlük” diňe bir dil gollanmasy däl, eýsem türkmen diliniň baýlygyny dünýä açýan möhüm bir dil köprüsi hökmünde hyzmat edýär. Kitapda ýerleşdirilen köpugurly söz beýanlary we düşünjeler ýaş nesilleriň hem-de hünärmenleriň türkmen dilinde täze mümkinçilikleri tapmagyna ýol açýar.
Netije
“Makul English–Turkmen Dictionary” sözlüginiň “Google Books” katalogyna girizilmegi Türkmenistanyň medeniýetiniň, diliniň we ylmy mirasynyň dünýä derejesinde tanadylmagyna uly goşant bolup durýar.
Kitaby görmek üçin Google Books sahypasyna girip bilersiňiz:Makul English–Turkmen Dictionary – Google Books