Irlandiýanyň garyşyk söweş sungaty (MMA) boýunça türgeni Konor MakGregor iňlis futbol kluby “Çelsini” 1,5 milliard funt sterlinge satyn almaga taýýardygyny aýtdy.
Golaýda “Çelsi” futbol toparynyň eýesi Roman Abramowiç klubuň, janköýerleriň, işgärleriň, hemaýatkärleriň we hyzmatdaşlaryň peýdasyna bolar ýaly, topary satmak barada karara gelendigini mälim edipdi.
MakGregor özüniň “Twitter” jemgyýetçilik torunda “1.5 milliard funt sterling teklibimi öňe sürýärin” -diýip belledi.
Abramowiç 2003-nji ýylda “Çelsi” toparyny satyn alypdy. 2012-nji ýylda London kluby taryhynda ilkinji gezek Çempionlar ligasyny gazandy, 2021-nji ýylda “Çelsi” topary bu üstünligi gaýtalady.