Russiýanyň, Türkiýäniň, Rumyniýanyň, Ukrainanyň hem-de Italiýanyň futbol janköýerleriniň ýakyndan tanaýan tälimçisi Mirça Luçesko Ukrainanyň “Dinamo Kiýew” topary bilen şertnama baglaşdy. Rumyniýaly meşhur tälimçiniň şertnamasynyň möhleti bir ýyl uzaltmak mümkinçiligi bilen 2 ýyla deňdir.
1979/1980-nji ýylyň möwsüminde tälimçilik ýoluna gadam basan Mirça Luçesko häzirki döwre çenli 10-dan gowrak futbol toparyny hem-de milli ýygyndylara tälim berdi. Ol dünýäniň tanymal tälimçileriniň biridir. Russiýada, Türkiýede, Rumyniýada hem-de Italiýada zähmet çeken Luçesko mundan ozal hem Ukrainanyň “Şahtýor” toparyna tälim berip, köp sanly üstünliklere ýetipdi.
Indi bolsa, Ukrainanyň ýene-de bir güýçli toparlarynyň biri hasaplanýan “Dinamo Kiýew” toparyna tälim berer. Ol bu toparyň taryhyndaky 36-njy tälimçi boldy.