Portugaliýanyň “Benfika” toparynyň hüjümçisi Darwin Nunýesiň Angliýanyň “Liwerpul” toparyna geçýändigini mälim edildi. Urugwaýyň milli ýygyndysynyň 22 ýaşly hüjümçisi “Liwerpul” toparyna geçýär. Onuň bahasy 75+25 million ýewre deň bolýar.
Lissabon toparynyň maglumatyna görä, Nunýew “Liwerpul” toparyna 100 million ýewro geçýär. Futbolçynyň bahasy 75 million ýewro, “Benfika” toparyna goşmaça 25 million ýewro bonus tölener.
Nunýes täze topary bilen 2028-nji ýyla çenli şertnama baglaşdy.
“Liwerpul” topary bu gymmat transferden soňra 5 futbolçysyny satmagy meýilleşdirýär. Sadio Mane, Takumi Minamino, Neko Uilýams, Nataniel Fillips we Aleks Oskleýd-Çemberlen dagynyň topardan gitmegine garaşylýar.
Darwin Nunýew “Benfika” toparynyň düzüminde 41 duşuşykda oýnap, 34 gol geçirdi. Ol bu möwsümiň iň köp gol geçiren futbolçylaryň biri boldy.