Germaniýanyň “Bawariýa” topary Angliýanyň “Mançester Siti” toparynda oýnaýan Leroý Saneni satyn almagy meýilleşdirýär.
Şu ýylky möwsümiň ahyrynda bu transferiň başa barmagyna garaşylýar. German toparynyň sport işleri boýunça direktory Hasan Salihamijiç 24 ýaşly futbolçy bilen gyzyklanýandyklaryny mälim etdi. Saneniň wekilleri 1-nji aprelden soňra gepleşikler geçirmegi göz öňünde tutýar.
“Bawariýa” topary bu futbolça 5 ýyllyk şertnama hödürleýär. Şeýle hem “Sport Bild” neşiriniň habar bermegine görä, bu futbolçy bilen gyzyklanýan başga toparlar hem bar.
Leroý Saneniň “Mançester Siti” toparyndaky şertnamasynyň möhleti 2021-nji ýylyň iýunynda tamamlanýar.