Lebaply şalyçylar güýzüň ahyrky günlerinde uly zähmet ýeňşini gazandylar. Olar 10200 gektar meýdanda ýetişdirilen bereketli ekinden 47400 tonnadan gowrak şaly hasylyny döwlete tabşyryp, öňde goýlan belent sepgide abraý bilen ýetdiler. Ýetişdirilen hasyly ýygnamakda daşary ýurtlardan satyn alnan kuwwatly tehnikalaryň güýjünden netijeli peýdalanyldy. Orak möwsüminde “CLAAS TUCANO-430 Rise”, «Keýs» ýaly tehnikalaryň 120-si ulanyldy.
Halaç, Kerki, Çärjew, Dänew etraplarynyň ussat şalyçylary zähmet ýeňşine has saldamly goşant goşdular. Pellehana ilkinjileriň hatarynda gelen Halaç etrabynyň şalyçylary 955 gektar meýdandan 4438 tonnadan gowrak hasyly ýygnadylar. Kerki etrabynda 350 gektar meýdandan 1626 tonna, Çärjew etrabynda 3080 gektar ýerden 14313 tonna şaly ýygnaldy. Zähmet ýeňşine dänewli kärendeçiler 10038 tonna, köýtendagly kärendeçiler 1115 tonna, hojambazly kärendeçiler 929 tonna, darganataly kärendeçiler 349 tonna şalyny ýygnap, uly goşant etdiler.
Lebapda bol hasyl ýetişdi 2024-nji ýylyň tamamlanan on aýynda Lebap welaýatynyň ähli hojalyklarynda gök önümleriň 236,8 müň tonnasy, bakjanyň 156,4 müň tonnasy, miweleriň we ir-iýmişleriň 46,1 müň tonnasy, ýeralmanyň 123,4 müň tonnasy, üzümiň 18,8 müň tonnasy öndürildi. Munuň özi ýokarda atlary agzalan möhüm azyk önümlerini öndürmek boýunça geçen ýylyň degişli döwri bilen deňeşdirilende ep-esli ösüş depgininiň gazanylandygyndan habar berýär.
Ekerançylyk önümlerini öndürmekde Çärjew etrabynyň daýhanlary öňdeligi eýeleýärler. Olar tarapyndan şu ýylyň geçen döwründe öndürilen gök önümler 54,7 müň tonna, miweler we ir-iýmişler 12,1 müň tonna, azyklyk bakja 25,9 müň tonna, ýeralma 38,1 müň tonna barabar boldy. Şonuň netijesinde saçaklaryň bezegi bolan bu zerur önümleri öndürmekde geçen ýylyň degişli döwrüne görä düýpli ösüş gazanyldy.
Lebapda şaly borçnamasy berjaý edildi
