SPORT

Kuman – “Barselonanyň” täze tälimçisi

«Barsleona» topary Ronald Kuman bilen 2 ýyllyk şertnama baglaşdy. Bu barada toparyň resmi internet sahypyasynda mälim edildi. Toparyň tälimçisi bolup işlän Kike Setýen “Barselona” toparynyň “Bawariýa” toparyndan 8:2 hasabyndan utulmagyndan soňra wezipesinden boşaldyldy.

57 ýaşly tälimçi Kumanyň şertnamasynyň möhleti 2022-nji ýylyň 30-njy iýunynda dolýar. Kuman “Barselona” tälim bermek üçin Niderlandlar Patyşalygynyň futbol boýunça milli ýygyndysynyň tälimçisi wezipesini taşlady. Ol 2018-nji ýyldan bäri bu ýurduň milli ýygyndysyna tälim berýärdi.

Kuman 1989-1995-nji ýyllar aralygynda “Barselonada” futbolçy hökmünde oýnady. Ol şol döwürde Ispaniýanyň çempiony, 3 gezek Superkubogyň eýesi, Ispaniýanyň Kubogy, Ýewropa çempionlar kubogyny (häzirki Çempionlar ligasyny) we UEFA-nyň Superkubogyny eýelemegi başardy.

Kuman 2000-nji ýylda “Witesse” toparyna tälimçi bellenmezden ozal, “Barselonada” kömekçi tälimçi bolup işledi. Şeýle hem ol “Aýaks”, “Benfika”, “PSW”, “Walensiýa”, “AZ Alkmaar”, “Feýenord”, “Sauthempton” we “Ewerton” ýaly toparlara tälim berdi.

Tälimçi hökmünde üç gezek Niderlandlaryň milli çempionatynyň çempiony, kubogyny we Superkubogyny, Portugaliýanyň Superkubogyny we Ispaniýa kubogyny aldy.

Ýene-de okaň

“Kaýrat” toparynyň derwezeçisine ýokary okuw mekdebinde okamak üçin grant gowşuryldy 

Türkmen samboçylary Indoneziýadaky dünýä çempionatynda 5 medal gazandylar

Fabio Kannawaro Özbegistanyň milli ýygyndysynyň tälimçisi bolup biler

Döwletjan Ýagşymyradowa ýeňiş gazanmak başartmady

Özbegistan bilen Azerbaýjan 2027-nji ýylda dünýä çempionatyny kabul eder

FIFA 2026-njy ýylyň Dünýä çempionatynyň resmi topuny tanyşdyrdy