Braziliýada Kubok Amerika ýaryşy dowam edýär. Braziliýanyň ýygyndysy finala çykmagy başardy. Braziliýaly Neýmaryň arzuwy hasyl boldy.
Neýmar finalda Argentinanyň ýygyndysy bilen duşuşymagy arzuw etdi. Sebäbini hem Argentiananyň ýygyndysynda köp sanly dostlarynyň bardygyny belledi.
Hakykatdan hem Argentinanyň ýygyndysy Braziliýanyň garşydaşy boldy. Lionel Messili Argentina ýarym finalda Kolumbiýanyň ýygyndysyny esasy wagty 1:1 tamamlanan duşuşykda, 11 metrlik jerime urgularyndan 3:2 hasabynda utup, finala çykdy.
Dynç güni Argentinanyň ýygyndysy finalda Braziliýanyň ýygyndysy bilen duşuşar.
Messi üçin ýene-de bir möhüm duşuşyk bolar. Ol “Barselona” toparynyň düzüminde köp sanly kuboklary we rekordlary gazandy.
Ýöne Messi entek milli ýygyndynyň düzüminde uly ýaryşlarda ýeňiş gazanyp bilmedi.