Türkiýäniň «Fenerbahçe» futbol toparynyň ýyldyzy Mesut Öziliň ýakynda şahsy kriptopuluny döretmegine garaşylýar. Futbolçy düýn şahsy pulunyň adyny hem köpçülige mälim etdi.
Futbolçynyň jemgyýetçilik torundaky şahsy hasabynda hem habar berlişi ýaly, ol kriptopulunyň adyny «M10 Token» görnüşinde kesgitledi.
Ýakynda ol şahsy hasabynda «Tolgundyrjak täzelikler golaýda…» diýip bir ýazgy paýlaşypdy. Şeýlelikde, Mesut Özil maliýe älemine tizlik bilen girişdi.
Pikir paýlaşdy
«Bitkoinmi ýa Izerum?». Ynha şeýle görnüşde ses berlişik geçiren ýyldyz futbolçy yzarlaýjylarynyň pikirini almagy makul bildi.
Ýeri gelende aýtsak, Mesut Özili «Twitterde» 26 milliondan gowrak agza yzarlaýar. Ol ýakynda tolgundyryjy täzeligiň boljakdygy baradaky ýazgyny hem «Twitterde» paýlaşypdy.
Şeýlelikde, Mesut Özil şahsy kriptopuluny döreden ilkinji futbolçy bolmagy niýet edinýär.
Telegram: https://t.co/Ek61ZOkWRj
Twitter: @m10token
Instagram: https://t.co/Vs1tksdH2n
— Mesut Özil (@MesutOzil1088) November 9, 2021
Mesut özil kim?
Futbola «Şalkeniň» çagalar toparynda başlan Mesut Özil 2007-nji ýylda 5 million ýewrolyk baha bilen «Werder Bremene» transfer boldy. Eýýäm ol şol ýyllarda Germaniýanyň iň güýçli ýaş ýyldyzlarynyň birine öwrüldi. Mesut Özil ezberligi we tehniki ussatlygy bilen Germaniýanyň futbol boýunça milli ýygyndysyna hem çagyrdy. Milli ýygyndydaky oýny bilen ol dünýäniň iň güýçli toparlarynyň hem ünsüni özüne çekdi.
Şeýlelikde, türk kňkenli nemes futbolçysy 2010-nji ýylda 18 million ýewro baha bilen Madridiň «Realyna» transfer boldy. Ýyldyz ýarym goragçy «Realda» üstünlikli möwsümleriň birnäçesini geçirip, 2013-nji ýylda 47 million ýewrolyk baha bilen «Arsenala» geçdi. Dünýä metbugatynda Mesut Öziliň Angliýanyň Premýer ligasyndaky assistleri barada köp sanly habarlardyr makalalar ýazyldy. Ol şu ýylyň ýanwar aýynda bolsa «Fenerbahçeniň» düzümine goşuldy.
Mesut Öziliň 2014-nji ýylda Germaniýanyň futbol boýunça milli ýygyndysynyň düzüminde dünýäniň çempiony bolandygyny hem ýatladýarys.
10-njy noýabr ýyldyzlar näme diýýär? Gündelik Täleýnama