Şu gün paýtagtymyz Aşgabatda “Merkezi Aziýa-Koreýa Respublikasy” hyzmatdaşlyk forumynyň daşary işler ministrleriniň 16-njy mejlisi geçirildi. Oňa gatnaşan Gazagystan Respublikasynyň Premýer-ministriniň orunbasary, daşary işler ministri Murat Nurtleu koreý syýahatçylary üçin Merkezi Aziýanyň syýahatçylyk kompaniýalarynyň sanawyny düzmegi teklip etdi. Bu barada “Kazinform” habarlar gullugy habar berýär.
– Koreý syýahatçylaryny gyzyklandyrýan Merkezi Aziýanyň baý taryhy, ajaýyp tebigaty we gözel künjekleri bar. Soňky ýyllarda Gazagystan syýahatçylyk pudagyna 4 milliard dollar maýa goýum gönükdirdi. 400-den gowrak syýahatçylyk desgalary guruldy, hususan-da dag-lyža şypahanalary, myhmanhanalar we ulag ulgamy boýunça taslamalar durmuşa geçirildi. Bu pudagyň mümkinçilikleri açmak üçin Forumyň sekretariatyna Merkezi Aziýa ýurtlaryna toparlaýyn syýahaty gurnama üçin syýahatçylyk kompaniýalarynyň sanawyny düzmek meselesini öwrenmegi teklip edýäris – diýip, ministr Murat Nurtleu belläp geçdi.