Belgiýanyň ýarymgoragçysy Kewin De Bruýne geçen möwsüm Italiýanyň futbol çempionatynyň ýeňijisi “Napoli” topary bilen şertnama baglaşdy. Klubyň metbugat gullugy bu barada habar berdi.
De Bruýne 33 ýaşynda, 2024/25 möwsüminiň ahyryna çenli 2015-nji ýyldan bäri Angliýanyň “Mançester Siti” toparynda oýnady. Toparyň düzüminde oýunçy dürli ýaryşlarda 422 duşuşykda çykyş etdi, şol duşuşyklarda 108 pökgi geçirdi. “Mançester Siti” bilen bilelikde 6 gezek Angliýanyň çempiony boldy, 5 gezek liganyň kubogyny, iki gezek Angliýanyň kubogyny we Super kubogyny gazandy we bir gezek Çempionlar ligasynyň çempiony boldy.
De Bruýne karýerasynda Belgiýanyň “Genk” kluby, Angliýanyň “Çelsi”, Germaniýanyň “Wolfsburg” we “Werder Bremen” klublarynda-da oýnady.
Futbolçy Belgiýanyň çempionatynda, kubogynda we Super kubogynda bir gezek ýeňiji boldy, şeýle hem “Wolfsburg” bilen Germaniýanyň kubogyny we Super kubogyny almagy başardy.
Ýarymgoragçy Belgiýanyň milli ýygyndysy üçin 111 duşuşykda oýnap, 31 pökgi geçirdi. De Bruýne Russiýada geçirilen 2018-nji ýylda dünýä çempionatynda bürünç medal gazandy.