Şu gün Aşgabat wagty bilen 21:00-da Katar-Ekwador duşuşygy bilen futbol boýunça dünýä çempionaty Katarda badalga alýar. Bu abýarly ýaryşy dünýäde 200-e golaý ýurtda göni ýaýlymda berler.
Şolaryň arasynda Türkmenistanda Aşgabat şäherinde “IP TW” ulgamy arkaly käbir teleýaýlymlarda tomaşa etmek mümkin bolup biler. Olaryň arasynda Russiýanyň “Match tv” hem-de Täjigstanyň “Varzish” teleýaýlymlary bar.
Şeýle hem “Match futbol 1”, Azerbaýjanyň “Ictimai Tv”, Gazagystanyň “KazSport”, Eýranyň “IRIB Varzish”, Germaniýanyň ZDF, Italiýanyň “Rai 1”, Beýik Britaniýanyň “BBC One” hem-de “Itv” ýaly teleýaýlymlary 64 duşuşygy janköýerleriň dykgatyna ýetirerler.
Mundan başga-da, mundan ozalky dünýä çempionatlaryny Türkiýäniň “TRT1” hem-de“TRT spor” teleýaýlymaryndan hem tomaşa edip bolýardy. Ýöne TRT teleýaýlymy bu gezekki futbol çempionatynyň duşuşyklary diňe içerki, ýagny öz ýurdunyň çäginde tomaşaçylaryň tomaşa etmegine rugsat berendigi bellenilýär.