Ispaniýanyň Futbol federasiýasynyň binasynda Şa kubogy ugrundaky ýaryşyň ýarym finalynyň bijeleri çekildi. Bu bije çekilişigiň netijesinde, futbol janköýerleri “El-Klasiko” duşuşygyna tomaşa etmek mümkinçiligine eýe bolar.
Şa kubogynyň ýarym finalynda “Real Madrid” bilen “Barselona”, şeýle hem “Atletiko Bilbao” bilen “Osasuna” duşuşar.
Ýarym final duşuşyklar 2 oýundan ybarat bolup, onuň ilkinji 1-2-nji martda, jogap duşuşyklary bolsa 4-5-nji aprelde geçiriler.
Şa kubogyny 31 gezek gazanan “Barselona” topary 2011-nji ýyldan bäri bu kubogy 6 gezek gazandy. Onuň esasy garşydaşy “Real Madrid” topary bolsa Şa kubogyny 19 gezek gazandy we 2014-nji ýylda bäri bu arzyly kubogy gazanyp bilmän gelýär.
Şa kubogynyň 2023-nji ýyldaky ýeňijisi 6-nji maýda Seilýa şäherindäki stadionda geçiriljek final duşuşygynyň netijesinde belli bolar.
Kubogyň final tapgyryna çykan toparlar Ispaniýanyň Superkubogyny gazanmak ugrundaky ýaryşda hem oýnamaga hukuk gazanýar.
Golaýda geçirilen Ispaniýanyň Superkubogy ugrundaky ýaryşyň finalynda “Real Madrid” bilen “Barselona” toparlary duşuşypdy. Duşuşykda ýeňiş gazanan “Barselona” topary bolupdy.