Koronawirus pandemiýasy sebäpli mart aýynda arakesme yglan edilen Ispaniýanyň futbol çempionaty 20-nji iýunda täzeden başlar. Bu barada “Leganes” toparynyň baş tälimçisi Havier Aguirre habar berdi.
Ispaniýanyň Futbol Federasiýasy “La Liganyň” resmi taýdan başlanjakdygyny entek yglan edilmedi. Şeýle-de bolsa, Havier Aguirre liganyň ýolbaşçylaryndan 20-nji iýunda çempionatyň täzeden başlamagy barada hat alandygyny aýtdy. Duşuşyklar hepdede iki gezek tomaşaçylar bolmazdan – çarşenbe / penşenbe we şenbe / ýekşenbe günleri geçiriler diýip, “RIA Nowosti” habarlar gullugy habar berýär.
Ispaniýanyň çempionaty 26-njy iýulda tamamlanar. “La Ligada” meýilnama laýyklykda 38 tapgyryň 27 tapgyrynyň duşuşyklary geçirilipdi.
Ýurduň hökümeti hem türgenleşik geçirmäge rugsat berdi. “Barselona” toparynyň futbolçylary “COVID-19” wirusy boýunça barlagdan geçdi. Kataloniýa klubynyň ýekeje futbolçysyndan hem koronawirus ýokanjy çykmady. Bu topar 27 tapgyrdan soňra 58 utuk bilen birinji orunda barýar.