Amerikaly akrobat Nik Wallenda Nikaraguada işjeň ýagdaýda bolan Masaýa wulkanynyň krateriniň üstünden uzaldylan ýüp bilen ýöräp geçdi. 41 ýaşly batyrgaýyň ýanýan magmanyň üstünden geçip barýan pursatlary ýerli teleýaýlym arkaly göni ýaýlymda görkezildi. Wallenda 550 metrlik aralygy 31 minutda geçdi.
Yssydan goraýan eşik geýen hem-de ýörite maska dakynan Wallenda bu synanyşygyň öz durmuşyndaky iň kyn synanyşyklaryň biri bolandygyny belledi.