Dünýädäki iň uly maşgalanyň maşgalabaşysy aradan çykdy. Ýerli metbugatyň habar bermegine görä, Zion Çan 76 ýaşynda aradan çykdy. Ol yzynda 39 dul aýal, 94 çaga we 33 agtyk goýup gitdi.
Köp agzaly maşgalanyň maşgalabaşysy ganyň basyş güýjüniň ýokarlanmagy sebäpli aradan çykdy. Şeýle hem Çanyň süýji keselinden hem ejir çekendigi mälim edildi. Çan Pawl sektasynyň (topar) ýolbaşçysydy. Bu dini sektany Çanyň atasy 1942-nji ýylda esalandyrypdy.
Ýerli metbugatyň habar bermegine görä, Çanyň aýallarynyň sanynyň 36-dan 39-a çenlidigi bellenilýär. Onuň çagalarynyň sany 89-a ýa-da 94-e deňdir. Ýöne metbugat bir zatda birleşýär, ol hem bu dünýäniň iň köp agzaly maşgalasydyr.
Hindistanyň Mizoram ştatynyň baş ministri Lal Thanhawla Zion Çanyň aradan çykandygy sebäply gynanç bildirdi. Baktuang obasynyň bu uly maşgalasy Hindistanyň bu ştatyny esasy syýahatçylyk merkezine öwrüpdi. Dünýäniň dürli ýurtlaryndan syýahatçylar bu maşgalany görmäge gelýärdi.