SPORT

Iň köp gol geçiren – Jeými Wardi

Angliýanyň “Premier Liga” milli futbol çempionaty koronawirus ýokanjy sebäpli yglan edilen arakesmeden soňra täze başlap, ahyrynda tamamlandy. 30 ýyldan soňra “Liwerpul” topary çempion boldy.

Çempionatyň iň köp pökgi geçiren futbolçysy “Lester Siti” toparynyň oýunçysy Jeými Wardi boldy. Ol ilkinji gezek şeýle ýokary derejä mynasyp boldy. Wardi çempionatyň 35 duşuşygynda 23 gezek tapawutlandy. Ol “Arsenal” toparynyň hüjümçisi Pýer-Emerik Obameýangdan (22 gol), “Sautgempton” toparynyň hüjümçisi Denni Ingzden (22 gol) öňe saýlandy.

“Altyn aýakgap” baýragyna mynasyp bolan Jeými Wardi şol bir wagtda bu derejä eýe bolan iň ýaşy uly futbolçylaryň biri boldy. häzirki wagtda Wardi 33 ýaşynda.

Mundna ozal bu rekord bir döwür “Çelsi” toparynda oýnan Didier Drogba degişlidir. Ol 32 ýaşynda “altyn aýakgap” baýragyny gazanypdy.

Iň köp pökgi geçirenleriň sanawynda ilkinji bäşlige gören futbolçylar: “Mançester Siti” toparyndan Rahim Sterling (20 gol) we “Liwerpul” toparynyň hüjümçisi Mohammed Salah (19 gol).

Ýene-de okaň

Kewin De Bruýne “Napoli” topary bilen şertnama baglaşdy

Sane “Bawariýadan” “Galatasaraýa” geçýär

Ýamal dünýäniň iň gymmat futbolçysy boldy

Ronaldoly Portugaliýa Milletler ligasynyň kubogyny gazandy

Türkmenistanyň ýaşlar ýygyndysy CAFA-nyň çempionatyna gatnaşar

Dünýä çempionatyna gatnaşjak Özbegistanyň futbol ýygyndysy awtoulag sowgat alar

Ata Watan Eserleri