JEMGYÝET

Ilkinji özbek pikaplary satlykda

Tamamlanyp barýan aýda ― ýanwarda Özbegistanda öndürilen ilkinji pikaplar satlyga çykdy. «SamAuto» kompaniýasynyň «ISUZU D-Maxi» diýlip atlandyrylýan pikaplary ilkinji gezek geçen ýylyň noýabr aýynda tanyşdyrylypdy.

Ilkinji özbek pikaplary üç görnüşde, ýedi reňkde öndürildi. Olaryň nyrhy bolsa 270-den 380 million soma çenli üýtgeýär.

20 ― 24-nji ýanwar aralygynda kompaniýa satlyk üçin niýetlenen pikaplaryň ilkinji tapgyryny öndürdi. Bu tapgyr 9 awtoulagdan ybarat. Özbek pikaplary dört ýolagça niýetlenendir. Olaryň hereketlendirijisiniň kuwwaty 3 litre deň. Awtomatik ýagdaýda dolandyrylýan ulagda «D-MAX IRBISi» gurluşy hem ornaşdyryldy. Bu gurluş 865 kilograma çenli ýük daşamaga mümkinçilik berýär.

Häzir täze ulaglar Özbegistanyň sekiz şäherinde satylýar. Ýakyn geljekde bolsa olary eksport etmek hem meýilleşdirilýär.

Ýene-de okaň

Özbegistanda «Hakyda göwheri» kitabynyň özbek dilindäki neşiri tanyşdyryldy

Türkmenistanyň Ministrler Kabinetiniň mejlisi

Türkmen gazyny Türkiýä ibermegiň ugurlary maslahatlaşyldy

Ata Watan Eserleri

«Magtymguly Pyragy» atly çeper film Nýu-Ýorkda görkezildi

Ata Watan Eserleri

Türkmen halkynyň Milli Lideri: Türkmenistan Fransiýa bilen köpugurly gatnaşyklary giňelder

Türkmenistan bilen Gazagystanyň arasynda geňeşmeler geçiriler