Ýurdumyzda oba senagat toplumynda telekeçiligiň ornuny artdyrmak babatda degişli işler alnyp barylýar. 2019-njy ýylda Birinji Hazar ykdysady forumyň çäklerinde Maliýe we ykdysadyýet ministrligi bilen “John Deere Walldorf GmbH & Сo.KG» kompaniýasy arasynda gol çekilen özara düşünişmek hakyndaky strategik ylalaşyga hem-de Türkmenistanyň Prezidentiniň şu ýylyň 31-nji ýanwarynda gol çeken Kararyna laýyklykda, ady agzalan kompaniýadan 107 sany fiziki taraplar üçin oba hojalyk tehnikalarynyň we enjamlarynyň birinji tapgyryny karz serişdeleriniň hasabyna satyn almaga ygtyýar berildi.
Bu tehnikalaryň bir bölümi ýurdumyza gelip gowuşdy. Galan bölegini şu ýylyň ahyryna çenli, galan tehnikalary geljek ýylyň aprel aýyna çenli getirmek meýilleşdirilýär. Ýeňillikli şertlerde oba hojalyk tehnikalaryň satyn alynmagy oba hojalygy bilen meşgullanýan hususy taraplaryň tehniki mümkinçiliklerini gowulandyrmaga şertler döredýär.
Strategik ylalaşyga laýyklykda, Maliýe we ykdysadyýet ministrligi Türkmenistanyň Senagatçylar we telekeçiler birleşmesi bilen “John Deere” kompaniýasynyň üpjün etmeginde hususy tarapar üçin satyn alynmagy teklip edilýän traktorlar hem-de beýleki oba hojalyk tehnikalarynyň we enjamlarynyň sanawy taýýarlandy.
Bu barada Ministrler Kabinetiniň sanly wideoaragatnaşyk arkaly mejlisinde bellenilip geçildi. Milli Liderimiz milli ykdysadyýetimiziň ösdürilmegine hususy pudagynyň ornuny belledi.
Ýaşlarymyzyň iň köp okaýan habarlarynyň arasyndan sport habarlary uly meşhurlyga eýedir. Ýaşlar bu sahypa Siziň üçin!
