Hindistanda iň uly sanjym öndüriji “Serum Hindistan” instituty (SII) ýylyň ahyryna çenli maýmyn mama keseline garşy (mpox wirusyna) sanjym taýýarlamagy meýilleşdirýär.
“Mpox wirusy sebäpli yglan edilen ählumumy saglyk ýagdaýy sebäpli bu kesele garşy sanjym taýýarlamak üçin işleýäris. Oňyn netije şu ýylyň ahyryna çenli gazanylar diýip umyt edýäris “-diýip, edaranyň müdiri Adara Poonawalla belläp geçdi.
Puna şäherindäki Milli wirus instituty, Hindistanda 30 sany maýmyn mama keseli ýüze çykan 2022-nji ýyldan bäri dowam edip gelýän “mpox” nusgalaryny öwrenmek üçin Hindistanda öňdebaryjy lukmançylyk edarasyna öwrüldi.
Şu hepdäniň başynda hindi hökümeti “mpox” wirusynyň ýaýramak töwekgelçiligi sebäpli ýurduň serhedinde hüşgärligi ýokarlandyrmagy tabşyrdy. Keseliň ýüze çykmagy üçin howa menzillerinde, deňiz portlarynda we Bangladeş we Pakistan bilen serhetlerde gelýän daşary ýurtlulara gözegçilik güýçlendirildi.