Basketbol dünýäsiniň ägirdi Maýkl Jordon sport karýerasynda gazanan üstünlikleri bilen bir hatarda işewürlik ulgamynda-da gazanýän girdejileri bilen öňe saýlandy.
“Nike” kompaniýasy 1984-nji ýylda Maýkl Jordan bilen “Çikago Bulls” toparynda NBA çempionatynda ýeňiş gazanmazyndan has öň şertnama baglaşypdy.
Kompaniýanyň ilkinji çaklamalarynda Maýkl Jordan bilen 4 ýyllyk şertnamasynyň çäklerinde 3 million dollar girdeji gazanmak göz öňünde tutulypdy. Ýöne meşhur basketbolçynyň üstünlikleri komapniýa uly girdeji gazanmaga mümkinçilik berdi.
Häzirki wagtda “Air Jordan” markasy bilen Maýkl Jordan kompaniýa her 5 sagatda 3 million dollar girdeji gazandyrýar. Jordan bolsa özüniň işewür hyzmatdaşlaryndan her gün 410 müň dollar alýar.
“Forbes” žurnalyna görä, Maýkl Jordan 2021-nji ýylda 150 million dollar girdeji gazandy. Maýkl Jordan “Jordan” markasyndan 5 göterim gazanýan bolsa, “Nike” kompaniýasy her gün söwdadan 15 million dollar gazanýar.
Jordan 2003-nji ýylda 40 ýaşynda basketbol sporty karýerasyny tamamlapdy.