Türkiýäniň Prezidentiniň diwanynyñ ýanyndaky Aragatnaşyk boýunça müdirligi ýurduñ “Türkiye” diýip atlandyrylýan milli we halkara adynyñ halkara köpçülikleýin habar beriş serişdelerinde netijeli ulanylmagyny maksat edinip, “Hello Türkiye” atly kompaniýa badalga berdi.
Kompaniýa Türkiýäniñ adynyň dürli dillerde dürli atlar bilen aýdylmagyna ýol bermezlige we “Türkiye” sözüniñ ulanylmagyna gönükdirilendir. Şunuñ bilen baglylykda, Aragatnaşyk müdirliginiñ daşary ýurtlarda işleýän metbugat geňeşçileri hem kompaniýanyñ mälim edilmegi ugrunda dürli çäreler geçirýärler.
Bu babatda öz garaýşyny beýan eden Türkiýäniň Prezidentiniň diwanynyñ ýanyndaky Aragatnaşyk müdirliginiñ başlygy Fahrettin Altun 2021-nji ýylyñ dekabr aýynda Prezident Rejep Taýyp Ärdoganyň ýurdumyzyñ adynyñ halkara köpçülikleýin habar beriş serişdelerinde diñe “Türkiye” diýlip ulanylmagy barada degişli buýruga gol çekendigini ýatlatdy we bu kararyň sözleýiş bitewiliginiñ üpjün edilmegi we halkara arenasynda Türkiýäniň markasynyñ pugtalandyrmagy ugrunda möhüm ädim boldy, diýip belläp geçdi.
Ýurduñ markasyny has-da güýçlendirmek üçin Türkiýäniň marka-edarasynyň açyljakdygyny habar beren Altun bu edaranyň Türkiýäniň global markasy ugrunda işlejekdigini, ýurduň abraýyny we marka gymmatyny ýokarlandyrmaga ýardam etjekdigini belledi.
Bu edaranyň hususy pudak, döwlet edaralary we guramalary bilen bilelikde işlejekdigini belläp geçen Altun: “Elbetde, jemgyýetimiziň her bir böleginiň mylakatlylyk bildirmegi we goldaw bermegi biziñ üçin örän ähmiýetlidir. Jemgyýetçilik guramalarymyzyň, döwlete dahylsyz guramalaryň, ylmy toparlaryñ we metbugatymyzyñ öz işlerinde, hat alyşmalarynda, çärelerinde we gatnaşýan guramalarynda ýurdumyzyň adyny “Türkiye” (Türkiýe) diýip atlandyrmaklary we ulanmaklary hem biziň üçin örän möhümdir. Jebis bolup hereket etmek bilen, bütin dünyädaki türk markasyny has hem pugtalandyrarys”- diýip aýdyp geçdi.