Mälim bolşy ýaly, Türkmenistan dünýä ýurtlarynda COVID-19 koronawirus pandemiýasynyň ýüze çykmagy bilen halkara uçar gatnawlaryny wagtlaýynça togtatdy. Bu halkara gatnawlaryň ýatyrylmagy bilen baglanyşykly “Türkmenhowaýollarynyň” Russiýadaky wekilhanasy “https://turkmenistanairlines.ru/” internet saýtynda täze habar çap etdi. Şol habardan görnüşi ýaly, COVID-19 koronawirus pandemiýasy bilen baglanyşykly awiakompaniýanyň ähli halkara gatnawlarynyň ýatyrylmagy 2020-nji ýylyň 31-nji awgustyna çenli uzaldyldy.
Aşakdaky ugurlarda ähli uçuşlar ýatyryldy:
Aşgabat – Stambul – Aşgabat
Aşgabat – Moskwa – Aşgabat
Aşgabat-Sankt-Peterburg-Aşgabat
Aşgabat-Kazan-Aşgabat
Aşgabat-Minsk-Aşgabat
Aşgabat-Almaty-Aşgabat
Aşgabat-Frankfurt-Aşgabat
Aşgabat-Birmingem-Aşgabat
Aşgabat-Amritsar-Aşgabat
Aşgabat-Deli-Aşgabat
Aşgabat-Dubaý-Aşgabat
Aşgabat-Abu Dabi-Aşgabat
Aşgabat-Pekin-Aşgabat
Aşgabat-Bangkok-Aşgabat
Şeýle hem habarnamada, ýatyrylan uçuşlar sebäpli ýolagçylar pulunyň yzyna gaýtaryp berilmegi üçin ýüz tutup biljekdigi ýa-da uçuşlaryň täzeden başlamagyna garaşyp biljekdigi we indiki amatly uçuşlar üçin biletleri öňünde sargyt edip biljekdigi bellenilip geçilýär.