Gyrgyz Respublikasynyň Prezidenti Sadyr Žaparow ýurduň 2030-njy ýyla çenli ösüş boýunça Milli maksatnamasyny tassyklady.
Gyrgyz metbugatynyň habaryna görä, bu barada Prezidentiň metbugat gullugy habar berdi.
Maksatnama laýyklykda, 2030-njy ýyla çenli uly maksatlar goýuldy: jemi içerki önümi iň az $30 milliard amerikan dollaryna çenli ýokarlandyrylmagy, adam başyna düşýän jemi içerki önümiň paýyny $4 500 amerikan dollaryna ýetirilmegi, ykdysady ösüşiň ýyllyk ortaça hakyky ösüş derejesiniň azyndan 8% derejesinde saklanylmagy maksat edinilýär.
Resminamada dört esasy ileri tutulýan ugur kesgitlenýär: senagatlaşdyrma, ýurdy sebitleýin merkez hökmünde ösdürmek, oba hojalygy we syýahatçylyk, şeýle hem “ýaşyl” energetikanyň ösdürilmegi göz öňünde tutulýar.