Gazagystan Respublikasynyň Prezidenti Kasym-Žomart Tokaýew 5-nji awgustda Türkmenistanda iş saparynda bolar. Bu barada “Report” habarlar gullugynyň gazak wekilhanasy “Akorda” köşgüne salgylanyp habar berýär.
Gazagystanyň Prezidenti Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatyna gatnaşar. Forum Türkmenistanyň Hazar deňziniň kenaryndaky “Awaza” milli syýahatçylyk zolagynda geçiriler.
Maslahatda sebit hyzmatdaşlygy, durnukly ösüş we gury ýer döwletleri üçin ulag aragatnaşygy meseleleri ara alnyp maslahatlaşylar.