DÜNÝÄ

Gazagystanda 2026-njy ýyl “Sanlylaşdyrma we emeli aň” ýyly diýlip yglan edildi

Gazagystan Respublikasynyň Prezidenti Kasym-Žomart Tokaýew “Sanlylaşdyrma we emeli aň ýylynyň yglan edilmegi hakynda” permana gol çekdi. Bu barada Gazagystan Respublikasynyň Prezidentiniň metbugat gullugy habar berýär.

Resminamada bu çözgüdiň “sanlylaşdyrmany mundan beýläk-de ösdürmek we emeli aňy ähli ugurlarda giňden ornaşdyrmak maksady bilen” kabul edilendigi görkezilýär.

Permanyň gol çekilen gününden başlap güýje girýändigi resminamada aýdylýar.

Prezident Tokaýew Täze ýyl gutlagynda 2026-njy ýylyň Gazagystanda emeli aň şygary astynda geçjekdigini habar beripdi. Ol Gazagystany sanly döwlete öwürmegiň zerurdygy barada belläp, 2026-njy ýyly “Sanlylaşdyrma we emeli aň” ýyly diýip yglan ediljekdigini belläpdi.

Onuň pikirine görä, öňdebaryjy tehnologiýalaryň ornaşdyrylmagy ýurduň ähli ugurlardaky mümkinçiliklerini güýçlendirer.

Ýene-de okaň

Türkmenistan bilen Pakistan ýokary derejeli saparlara taýýarlyk görýär

ABŞ-niň Türkmenistandaky Ilçisi bilen duşuşyk geçirildi

Tokioda auksionda tunes balygy $3,2 milliona satyldy

Azerbaýjan 2026-njy ýylda birnäçe halkara çäreleri kabul eder

Nýu-Ýorkuň häkimi Mamdani kasam kabul etdi

Türkmenistan Garaşsyz Döwletleriň Arkalaşygyna başlyklygy kabul etdi