Dünýäniň ähli ýerindäki kino muşdaklaryny özüne bendi eden “Forsaž” filminiň 10-njysy surata düşüriler. Häzirki wagtda bu filmiň 9-njysy dünýäniň köp ýurdunda görkezilýär we iň köp tomaşa edilýän filmleriň hatarynda öňdeligi eýeleýär.
“Universal” kinokompaniýasy “Forsaž” filminiň iň soňkynyň öň ýanyndaky, ýagny 10-njysynyň prokata çykýan takyk senesini mälim etdi. Kino muşdaklary bu filmiň täze bölümini 2023-nji ýylyň 7-nji aprelinde görüp bilerler.
Filmiň bu bölegini hem ýene-de Jastin Lin surata düşürer, filmiň ssenariýasyna Kris Morgan jogap berer. Jastin Lin “Forsaž” filiminiň 4-nji, 5-nji, 6-njy hem-de 9-njy bölümlerini surata düşürdi.
Ilkibaşda filmiň 10-njysyny 2021-nji ýylda prokata çykarmak göz öňünde tutulypdy. Ýöne kinokompaniýanyň meýilnamalary üýtgäp, bu senede 9-njysy görkezilip başlandy.
Filmiň nobatdaky böleginde ýene-de ozalky aktýordyr aktrissalary görmek bolar. Ýöne Dueýn Jonsonyň mundan soňky bölümlerde bolmajakdygy mälim edildi.