Ertir Katarda futbol boýunça dünýä çempionaty badalga alýar. Bu dünýä çempionaty häzirki wagta çenli geçirilen iň gymmat futbol çempionatlarynyň biri bolar.
Mundan ozal, 2018-nji ýylda geçirilen dünýä çempionatyny gurnan Russýanyň çempionat üçin 11,6 milliard dollar sarp edendigi bellenilýär.
TAKMYNAN 5,4 MILLIARD DOLLAR GIRDEJÄ GARAŞYLÝAR
Kataryň bu çempionatdan 5,4 milliard dollar girdejä garaşýandygy mälim edildi. Soňky gezek geçirilen dünýä çempionatyny teleýaýlymlardan 3,6 milliard adam tomaşa eden bolsa, bu çempionaty 5 milliard adamyň tomaşa etmegine garaşylýar.
ILKINJI DUŞUŞYGYŇ EMINI – DANIEL ORSATO
Ertir dünýä çempionatynyň ilkinji duşuşygy Katar bilen Ekwadoryň arasynda geçiriler. 60 müň orunlyk “Al Baýt” stadionynda geçiriljek duşuşykda 46 ýaşyndaky italiýaly emin Daniel Orsato eminlik eder. Duşuşyk Aşgabat wagty bilen 21:00-da başlanar. Bu duşuşyk 200-den gowrak ýurtda alnyp berler.