TEHNOLOGIÝA

Energiýa tygşytlaýan akylly sagat

Hytaýyň dünýä belli “Xiaomi” kompaniýasynyň ýakyn hyzmatdaşy bolan “Haylou” şereketi bir gezek zarýad bilen bir aýa çenli işleýän hem-de energiýa tygşytlaýjy akylly sagat öndürip başlajakdygyny mälim etdi. Bu sagadyň bahasy 21 dollara deň bolar.

Ol “Haylou Solar Smart Watch” diýlip atlandyryldy. Bu sagat bilen baglanyşykly maglumatlar “Xiaomi Youpin” platformasynda ýerleşdirildi.

Sanly enjam 12 rejimi goldamaga ukyply. 1,28 dýumlyk TFT displeýiniň durulygy 240 x 240 piksele barabardyr. Çyglylykdan goraglydyr.

Mälim bolşy ýaly, “Xiaomi” kompaniýasy mundan ozal çagalar üçin niýetlenilen “Xiaomi Mi Bunny 4” akylly sagatlaryny çykarjakdygyny hem mälim edipdi. Ol iki kameradan ybarat bolup, 5G ulgamyny hem goldaýar.

Ýene-de okaň

Hytaýda pensionerlere robotlar kömek eder

Ata Watan Eserleri

“Samsung” kompaniýasy telewizorlaryna emeli intellekt tehnologiýasyny ornaşdyrar

Ata Watan Eserleri

“Ericsson”: 6G ulgamy 2030-njy ýylda durmuşa ornaşdyrylar

Hindistan 2040-njy ýylda Aýa kosmonawt iberer

“Nissan”, “Honda” we “Mitsubishi” birleşýär

Hytaýda 5G ulanjylaryň sany 1 milliarddan geçdi