Finlýandiýanyň howa menzilleriniň operatory «Finavia» elektrikli awiasiýany ösdürmek boýunça başlangyja goşulyp, 2020-nji ýylyň ahyryna çenli içerki gatnawlarda elektrik togy bilen işleýän uçarlary ulanmak göz öňünde tutulýar.
«Finavia» operatory 2018-nji ýyldan bäri bu ugra maýa goýup gelýär. Şol ýyl Helsinkiniň aeroportlarynda bu ugurda synag uçuşlary amala aşyryldy. Täze başlangyç howa hapa gazlarynyň goýberilýän möçberini azaltmaga mümkinçilik berer.
– Finlýandiýa ilkinji bolup, içerki gatnawlarda elektrik togy bilen işleýän ýolagçy uçarlary ulanyp başlar. Elektrik öndürmek üçin arassa tehnologiýalar ulanylýar. Günden hem-de ýelden elektrik togy öndürilýär. Elektrikli uçarlar hem geljekde howanyň hapalanmagynyň öňüni almaga mümkinçilik berer. Olar gysga aralyk üçin göz öňünde tutular – diýip, «Finavia» operatorynyň tehniki işler boýunça müdiri Anri Hansson gürrüň berdi.