Dünýä futbolynda meşhur bolan “El Klasiko” duşuşygynyň nobatdaky oýny 24-nji oktýabrda, ýekşenbe güni Aşgabat wagty bilen 19:10-da başlaýar. Ispaniýanyň “La Liga” milli çempionatynyň 10-njy tapgyrynyň çäklerinde Ýewropanyň iň uly stadionynda, has takygy “Kamp Nou” meýdançasynda “Barselona” bilen “Real Madrid” duşuşar.
HER IKI TOPARYŇ ÝEŇIŞ GAZANMAK MÜMKINÇILIGI BAR
Lionel Messiniň gitmegi bilen futbol oýny pese gaçan “Barselona” topary Çempionlar ligasynda “Dinamo Kiýew” toparyny 1:0 hasabynda utup, täzeden ruhlandy.
Bilermenleriň pikirine görä, her iki toparyň ýeňiş gazanmak mümkinçiligi bar.
Ozal Kristiano Ronaldosyz, indi bolsa Lionel Messizi “El Klasiko” duşuşygyna öwrenipmek gerek bolar.
DUŞUŞYGYŇ EMINI BELLI BOLDY
Dünýäniň ähli ýerine tomaşaçysy hem-de janköýeri bolen bu duşuşykda Hose Mariýa Sançes Martines eminlik eder.
Sançes Martinesiň eminlik eden 4 sany “El Klasiko” duşuşyklarynda 3 gezek “Barselona” topary, 1 gezek bolsa “Real Madrid” topary ýeňiş gazandy.
“EL KLASIKONYŇ” TARYHY
- “El Klasiko” duşuşygy öz taryhyny 1902-nji ýyldan alyp gaýdýar. Şonda “Barselona” topary 3-1 hasabynda ýeňiş gazanypdy.
- Şondan bäri bu iki topary Ispaniýanyň milli çempionatynda 182 gezek duşuşdy. Şolaryň 75-sinde “Real Madrid” ýeňiş gazanan bolsa, 72-sinde “Barselona” ýeňiş gazandy. 35 duşuşyk deňme-deň tamamlandy.
- Ispaniýanyň çempionaty, kubogy, Şa kubogy, Çempionlar ligasy we beýleki ähli ýaryşlarda bu iki toparyň özara duşuşyklarynyň sany 279-a deňdir. Şol duşuşyklaryň 102-sinde “Real Madrid”, 115-sinde bolsa “Barselona” ýeňiş gazanyp, 62 duşuşyk deňme-deň gutarypdyr.
- Toparlaryň arasyndaky soňky duşuşyk 2021-nji ýylyň 10-njy aprelinde milli çempionatyň çäklerinde bolupdy. Şonda “Real Madrid” topary 2:1 hasabynda ýeňiş gazanypdy.
- “El Klasiko” duşuşyklarynda iň köp meýdança çykan futbolçylar – Lionel Messi bilen Serhio Ramosdyr. Olar özal biri-biriniň esasy garşydaşy bolan bolsa. häzir olaryň ikisi ehm Fransiýanyň “PSŽ” toparynda çykyş edýär. Bularyň ikisem hem 45 duşuşykda oýnady.
- “El Klasiko” duşuşyklarynda iň köp gol geçiren Lionel Messidir. Onuň gollarynyň sany 26-a deňdir.
- Häzirki wagtda milli çempionatda “Real Madrid” 17 utuk bilen (5 ýeňiş, 2 deňme-deňlik, 1 ýeňliş) 2-nji orunda, “Barselona” topary bolsa 15 utuk bilen (4 ýeňiş, 3 deňme-deňlik, 1 ýeňliş) 7-nji orunda barýar.
“EL KLASIKO”: TÜRKMENISTANDA HEM GÖRKEZILEN
Nobatdaky “El-Klassiko” 24-nji oktýabrda geçiriler. Ispaniýanyň çempionatynyň 10-njy tapgyrynyň çäginde “Barselona” bilen “Real” toparlarynyň duşuşygy ýekşenbe güni sagat 19:10-da başlar.
Ony dünýanyň dürli teleýaýlymlary bilen bir hatarda «Türkmenistan: Sport» teleýaýlymynda göni ýaýlymda görmek bolar.
23-nji oktýabr ýyldyzlar näme diýýär? Gündelik Täleýnama