Ispaniýanyň “La Liga” futbol boýunça milli çempionatynyň 26-njy tapgyrynyň esasy duşuşygy “Real Madrid” topary bilen “Barselona” toparynyň arasyndaky oýun boldy. Bu duşuşyk “El Klasiko” ady bilen tanalýar. Duşuşykda “Barselonany” 2:0 hasabynda ýeňen “Real Madrid” hem “El Klasiko”-da hem-de milli çempionatda öňe saýlandy.
Bu iki topar “El Klasiko”-da 180-nji gezek duşuşdy. Mundan ozal her iki topar 72 gezek ýeňiş gazanypdy. “Real Madridiň” bu gezek utuşy olaryň üstünligini 73-e çykardy. Şeýle hem “Real Madrid” bu oýundaky ýeňşi bilen çempionatdaky utuk sanyny 56-a ýetirip, birinji orna geçdi.
- “Real Madrid” toparynyň düzümindäki Winisius (Junior) 71-nji minutda hasaby açyp, “El Klasiko”-da tapawutlanan iň ýaş futbolçy boldy. Mundan ozalky rekord Messä degişlidi. Ol 19 ýaş 259 gün wagty tapawutlanypdy. Winisius bolsa, ondan 26 gün kiçi wagty tapawutlanmagy başardy.
- Messi Kristiano Ronaldo “Real Madrid” toparyndan başga topara geçenden soň, “Real Madrid” bilen bolan duşuşyklarda tapawutlanyp bilmedi.
- Kristiano Ronaldo bu duşuşygy janköýerleriň arasynda tomaşa etdi.
“Barselona” 45 ýyldan soňra “La Liga”-daky iki duşuşykda hem tapawutlanyp bilmedi. Mundan ozalky “El Klasiko” geçen ýylyň dekabrynda bolupdy we duşuşyk 0:0 hasabynda gutarypdy.