Şu hepdäniň ahyrynda futbol janköýerlerine gyzykly duşuşyk garaşýar. Ispaniýanyň “La Liga” futbol çempionatynyň 29-njy tapgyrynyň çäklerinde “Real Madrid” bilen “Barselona” toparlary duşuşar.
Madriddäki “Santiýago Barnabeu” stadionynda geçiriljek duşuşyk Aşgabat wagty bilen 01:00-da başlanýar. Ýagny, 20-nji martdan 21-nji marta geçilen gije bu duşuşyga tomaşa etmek bolar.
“Real Madrid” topary soňky wagtlar “El Klasikoda” ýeňiş gazanyp gelýär. Soňky oýnalan 5 duşuşykda hem ýeňiş gazanan “Real Madrid” 6-njy ýeňşine taýýarlanýar. “Barselona” topary bolsa, soňky gezek “Real Madrid” toparyny 2019-njy ýylyň martynda 1:0 hasabynda ýeňipdi.
Iki toparyň arasyndaky soňky gezek “El Klasiko” duşuşygy şu ýylyň ýanwarynda Ispaniýanyň Superkubogynda bolupdy we “Real Madrid” toparynyň ýeňşi bilen tamamlanypdy.
Bu duşuşyk 249-njy resmi duşuşyk bolar. «Real Madrid» mundan öňki 248 oýunda 100, «Barselona» 96 gezek ýeňiş gazandy, 52 duşuşyk deňlikde tamamlandy. «La Ligada» bolsa iki topar bu oýna çenli 183 gezek özara duşuşdylar. Şolaryň 76-synda madridliler, 72-sinde katalonlar ýeňşini baýram etdi.
20-nji mart ýyldyzlar näme diýýär? Gündelik Täleýnama