Russiýaly hüjümçi Artem Dzýuba Türkiýäniň ýokary futbol ligasynda çykyş edýän “Adana Demirspor” topary bilen şertnama baglaşdy. Hüjümçi Russiýanyň “Zenit” topary bilen şertnamasyny ýatyrandan soňra 4 aý toparsyz galdy.
Türk toparynyň metbugat gullugynyň habar bermegine görä, Dzýuba bilen 1 ýyllyk şertnama baglaşyldy. Şeýle hem onuň şertnamasynyň möhletini ýene-de bir ýyl uzaltmak mümkinçiligi göz öňünde tutulýar.
Türkiýäniň “Adana Demirspor” toparynyň düzüminde “Zenit” toparynyň ozalky goragçylaryndan Ýaroslaw Rakiskiý hem çykyş edýär.
– Ahyrsoňy, “Adana Demirspor” toparynyň düzümine goşuldy. Täze çagyryşlara taýýar. Toparyň ýolbaşçy düzümine maňa ynam bildirendikleri üçin minnetdarlyk bildirýärin – diýip, Dzýuba jemgyýetçilik torundan habar berdi.
“Adana Demirspor” topary Türkiýäniň ýokary ligasynda bassyr 2 ýyldan bäri çykyş edýär. Türkiýäniň ýokary ligasynda 19 topar bar. “Adana Demirspor” topary çempionatyň geçirilen 2 tapgyrynda hem ýeňiş gazandy. Geçen möwsümde topar 9-njy orny eýeledi. Çempionatyň indiki tapgyrynda bu topar “Fenerbahçe” topary bilen duşuşar.
33 ýaşyndaky Dzýuba 2015-2022-nji ýyllarda “Zenit” toparynda çykyş edip, 249 duşuşykda 108 gol geçirdi. Ol russiýanyň çempionatynyň iň güýçli hüjümçileriniň biri hasaplanýar.