Düýe çapyşyklary Katar döwletiniň ýaşaýjylarynyň halaýan güýmenjeleriniň biridir. Bu düýä çapyşyklary Pars aýlagynda täzeden başlady. Mälim bolşy ýaly, çapyşyklar koronawirus ýokanjy sebäpli fewral aýynda ýatyrylypdy.
Çapyşyga gatnaşýan bir örküçli düýeler sagatda 65 kilometr tizlige çenli ýetip bilýärler. Saud Arabystanyda, Müsürde, Iordaniýada, Omanda we Sudanda düýe çapyşyklary sportuň milli görnüşleriniň biridir. Sportuň bu görnüşi futboldan kem galmaýar.
– Aýlag ýurtlarynda düýe çapyşyklary atalarymyzdan galan mirasdyr. Bu däp çagalykdan bäri dowam edip gelýär. Bu gezek sekiz çapyşyk we üç festiwal geçireris – diýip, bäsleşigiň guramaçysy Mubarek Hamad Al-Nuaimi belläp geçdi.
Häzirki wagtda çapyşyklara robot çapyksuwarlar gatnaşdyrylýar.
Şeýle hem düýe çapyşyklary Birleşen Arap Emirliklerinde hem täzeden başlady.
Ýaşlarymyzyň iň köp okaýan habarlarynyň arasyndan sport habarlary uly meşhurlyga eýedir. Ýaşlar bu sahypa Siziň üçin!
