Beýik Britaniýanyň Nottingem şäheriniň ýaşajysy Şantel Broton dürli deri reňkli ekiz çagalary dünýä inderdi. Onuň dünýä inderen oglunyň derisiniň reňki ak, gyzynyň derisiniň reňki bolsa gara. Bu barada “Daily Mail” neşiri habar berýär.
29 ýaşyndaky şepagat uýasy Şantel Broton ilkibaşda öz çagalarydygyna hem ynanmady. Ony Nottingem şäheriniň çaga dogrulýan hassahanasyna getirenlerinde, ilkinji bilen ogly Aýon dünýä indi, soňra bolsa, gara reňkli gyzy Azira doguldy.
Lukmanlaryň pikiriçe, dürli deri reňkli ekiz çaga dogurmak ähtimallygy millionda birdir. Şanteliň adamsynyň ýarym şotlandiýaly, ýarym bolsa ýamaýkalydyr. Şanteliň özüniň bolsa, ene tarapyndan babasy Nigeriýada dünýä inipdir.
Hünärmenleriň pikiriçe, deriniň reňki genetiki täsiriň esasy mysalydyr. Deriniň öýjüklerindäki melanin pigmentiniň mukdaryna baglydyr. Bu mukdar her öýjügiň genetiki programmasy bilen kesgitlenýär.
Çaganyň reňki köplenç ene-atadaky melaniniň köp mukdaryna baglydyr.