Bilermenler dünýäniň baýlarynyň täze sanawyny taýýarlady. “Bloomberg” neşiriniň habar bermegine görä, sanawda birinji orny Jeff Bezos eýeledi we onuň emlägi 200 milliard dollara deň hökmünde kesgitlendi.
Sanawda ikinji orun Ilon Maksa degişli bolup, onuň baýlygynyň 198 milliard dollara barabardygy mälim edildi. Bilermenleriň bellemegine görä, Bezos geçen ýylyň dowamynda 23 milliard dollar gazanan bolsa, Ilon Mask bolsa 31 milliard dollar ýitirdi.
Ýer şarynyň iň baýlarynyň sanawy yzygiderli üýtgäp durýar. Ol hem dünýä bazarynyň ýagdaýyna berk bagly bolýar.
Hasaplanan maglumatlara görä, 2020-nji ýylda dünýäniň baýlarynyň 5-siniň arassa girdejisi 114 göterim artyp, 869 milliard dollara deň boldy.