Ýakynda Hytaýyň iň öňdebaryjy kompaniýalarynyň biri bolan “ZTE” kompaniýasy dünýäde iň arzan 5G ulgamy birikdirilen smartfonyny satuwa çykardy. ABŞ-nyň 280 dollaryna barabar bolan “ZTE” kompaniýasynyň “Axon 11 SE” atly telefony kompaniýanyň beýleki önümlerinden ýokary hilliligi bilen tapawutlanýar. Onda 16 megapiksel selfi kamera we 48 megapiksel esasy datçikli üç sany arka kamera ýerleşýär. 5G ulgamy birikdirilen dünýäniň iň arzan smartfonynda 18W çalt zarýad alýan 4000 mAh batareýa bar. “ZTE Axon 11 SE” akylly telefonynda 6 Gb RAM we 128 Gb içki ýady bilen üpjün ediler. Bu akylly telefonyň iň ýokary derejelisi 364 amerikan dollara barabar bolup, 8 Gb RAM we 256 Gb ýady bolar. Bu akylly telefon häzirki wagtda Hytaýda sargytlar esasynda öndürilýär.